Bu fotonu çəkənə axır ki, Azərbaycandan çıxmağa icazə verildi
«Nə danışa bilərsən, nə də görə»
Bu fotonu çəkənə axır ki, Azərbaycandan çıxmağa icazə verildi
-
Haqqında cinayət işi açılmış Reportyorların Azadlıq və Təhlükəsizliyi İnstitutunun əməkdaşı, fotoreportyor Mehman Hüseynova ölkədən çıxmağa icazə verilib. Bu haqda hüquq-mühafizə orqanlarından ona oktyabrın 12-də məlumat verilib:
«Müstəntiq zəng etdi ki, prokurorluqdan icazə veriblər. İndi sənədləri hazırlayırlar ki, sərhəddə problem olmasın».
M.Hüseynov Dünya Gənclərinin Demokratiya Hərəkatının «Demokratiya mənim ölkəmdə 2012» fotomüsabiqəsinin qalibidir. Hüquq-mühafizə orqanlarının icazəsindən sonra o, bu mükafatı almaq üçün Peruya gedir.
Mehman onu müsabiqədə qalib edən şəkli bu il martın 12-də müxalifətin Bakıda keçirdiyi icazəsiz aksiyasında çəkib:
«Şəkli müxalifətin etiraz aksiyasında çəkmişəm. Şəkildə bu təsvir olunur - üç polis vətəndaşın həm ağzını, həm də gözünü yumur. Şəklin altında da yazmışdım ki, demokratiya bizim ölkədə belədir – nə danışa, nə də görə bilərsən. Müsabiqədə dünyanın 100-dən artıq ölkəsindən iştirak edib. Qiymətləndirməni də dünyanın ən professional və məşhur fotoreportyorları aparıb. Əvvəlcə şəklim ilk beşliyə daxil oldu. Sonra isə qalib olduğumu yazdılar».
CİNAYƏT İŞİNDƏ YENİLİK YOXDUR
Mehman Hüseynov
Elə M.Hüseynov haqqında açılan cinayət işi də icazəsiz aksiya ilə bağlıdır. O, Cinayət Məcəlləsinin 221.2.2-ci maddəsi ilə ittiham olunur.
«Məhkəmə mənə 2 ay şərti cəza vermişdi. O da avqustun 12-də bitib. Ondan sonra heç bir xəbər yoxdur. İstintaqın uzadılıb-uzadılmaması haqqında heç bir xəbər yoxdur».
İttiham təsdiqlənərsə, M.Hüseynov 2 ilə qədər islah işləri və ya 5 ilə qədər azadlıqdan məhrumetmə ilə cəzalandırıla bilər.
Fotoreportyor ittihamları rədd edir və ona qarşı açılan cinayət işinin siyasi motivli olduğunu bildirir.
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
![Mehman Hüseynov polisdə saxlandı... - [VİDEO]](https://d1pp940guyio69.cloudfront.net/19b3bd88-8a22-40b1-a8e6-caf604997a13_w100_r1.jpg)
![Mehman Hüseynov polisdə saxlandı... - [VİDEO]](https://d1pp940guyio69.cloudfront.net/19b3bd88-8a22-40b1-a8e6-caf604997a13_w33_r1.jpg)
