18:24
6.11.2012
ABŞ-da səs vermək növbəsi (YENİ FOTOLAR)
Noyabrın 6-da ABŞ-da prezident seçkisi başlayıb. Bəzi şəhərlərdə yağışlı hava olsa da vətəndaşlar səhər tezdən səs vermək üçün məntəqələrin qarşısında növbəyə düzülüblər.
20:21
6.11.2012
ABŞ-da prezident seçkiləri davam edir. Artıq Havay adaları istisna olmaqla, bütün ştatlarda səsvermə məntəqələri açılıb.
Respublikaçıların prezidentliyə namizədi Mitt Romney qeydiyyatda olduğu Massaçusets ştatında səs verib, hazırkı vitse-prezident Joe Biden isə Delaver ştatında.
Barack Obama isə İllinoys ştatında öncədən səsvermə hüququndan istifadə eləmişdi.
Son sorğulara görə, Obama yelləncək və həlledici ştatlar - Florida, Ohayo, Virciniya, və Koloradoda Romney-dən daha çox səs toplayacaq.
21:34
6.11.2012
Romney və Biden səs veriblər
Noyabrın 6-da ABŞ-da keçirilən prezident seçkisində Respublikaçıların namizədi Mitt Romney xanımı ilə birlikdə səs verib. İndiki vitse-prezident Joe Biden də Delaveri ştatında səsverməyə qatılıb. AP agentliyinin bu videosunda həmçinin Nyu-Yorkda oktyabrın sonlarında baş vermiş Sandy qasırğasından zərər çəkmiş bölgələrdə çadırlarda yaradılmış seçki məntəqlərində keçirilən səsvermə əksini tapır.
Noyabrın 6-da ABŞ-da keçirilən prezident seçkisində Respublikaçıların namizədi Mitt Romney xanımı ilə birlikdə səs verib. İndiki vitse-prezident Joe Biden də Delaveri ştatında səsverməyə qatılıb. AP agentliyinin bu videosunda həmçinin Nyu-Yorkda oktyabrın sonlarında baş vermiş Sandy qasırğasından zərər çəkmiş bölgələrdə çadırlarda yaradılmış seçki məntəqlərində keçirilən səsvermə əksini tapır.
23:04
6.11.2012
Sandy qasırğasının ziyan vurduğu ərazilərdə də səsvermə üçün şərait yaradılıb.
New York və New Jersey-də çadırlarda müvəqqəti seçki məntəqələri yaradılıb.
Qasırğadan sonra hələ də 1 milyon ev və biznes qurumu işıqsızdır. Minlərlə ev ya dağılıb, ya da onlara ciddi ziyan dəyib.
New York və New Jersey qubernatorlarının həmin ərazilərdə səsvermə üçün yaratdığı şəraiti alqışlayan və səs verənlər az olmayıb.
New York qubernatoru Andrew Cuomo deyib ki, “Biz hamının səs verməsini istərdik. Əgər kimsə məcburi köçkündürsə, bu o demək deyil ki, seçki imkanından da məhrum olmalıdır”.
Qasırğadan ziyan görmüş evlərin sakinlərinə yaşadığı ştatların istənilən başqa bölgəsindəki məntəqədə səs vermək şəraiti yaradılıb.
New York və New Jersey-də çadırlarda müvəqqəti seçki məntəqələri yaradılıb.
Qasırğadan sonra hələ də 1 milyon ev və biznes qurumu işıqsızdır. Minlərlə ev ya dağılıb, ya da onlara ciddi ziyan dəyib.
New York və New Jersey qubernatorlarının həmin ərazilərdə səsvermə üçün yaratdığı şəraiti alqışlayan və səs verənlər az olmayıb.
New York qubernatoru Andrew Cuomo deyib ki, “Biz hamının səs verməsini istərdik. Əgər kimsə məcburi köçkündürsə, bu o demək deyil ki, seçki imkanından da məhrum olmalıdır”.
Qasırğadan ziyan görmüş evlərin sakinlərinə yaşadığı ştatların istənilən başqa bölgəsindəki məntəqədə səs vermək şəraiti yaradılıb.