-
İran prezidenti Hassan Rohani İranın nüvə proqramı mövzusunda razılığa gəlmə müddətini açıqlayıb. Rohani deyib ki, 3-6 ay içində razılığa gəlmək olar.
ABŞ-ın Washington Post qəzetinə verdiyi açıqlamasında Rohani probleminin həllinin ABŞ-İran münasibətlərində yumşalmanın başlanğıc nöqtəsi olduğunu bildirib.
İran prezidenti bu mövzuda müzakirə aparmaq üçün dini lider Ayatollah Khamneyidən tam səlahiyyət aldığını vurğulayıb.
Sentyabrın 26-da İran uranın zənginləşdirilməsi proqramı mövzusunda P5+1 ölkələri ilə müzakirələr aparacaq.
İranın xarici işlər naziri Javad Zarif Nyu-Yorkda ABŞ dövlət katibi John Kerry də daxil olmaqla Çin, Rusiya, Almaniya, İngiltərə və Fransa nümayəndələri ilə bir araya gələcək.
Zarif-Kerry görüşü İran və ABŞ arasında 1979-cu ildən bu yana keçirilən ən yüksək səviyyəli görüşlərdən biri olacaq.
Bundan əvvəl Hassan Rohani BMT-də etdiyi çıxışında nüvə proqramı mövzusunda nəticələrin əldə olunması üçün müzakirələrə hazır olduğunu bildirmişdi.
