Bu il Azərbaycan Cümhuriyyətinin ən gənc üzvü Şəfi bəy Rüstəmbəylinin 120 illiyi tamam olur.
1893-cü ildə Qəbələnin Aydınqışlaq kəndində adlı-sanlı bir ailədə doğulan Şəfi bəy Gəncə gimnaziyasında təhsilini başa vurduqdan sonra Kiyev Universitetinin hüquq fakültəsini bitirib.
Əqidəli müsavatçı olub. Zaqafqaziya Seyminin «Müsavat» fraksiyasında iştirak edib.
Cümhuriyyət dövründə «Azərbaycan» qəzetinin baş redaktoru (rusca), Daxili İşlər Nazirinin müavini işləyib.
Şəfi bəy həm də mətbuat haqqında ilk qanunun müəllifi olub.
1920-ci il aprelin 28-də Cümhuriyyət hökumətinin son iclasında hakimiyyəti bolşeviklərə təhvil vermək məcburiyyətindən danışılarkən arxada hönkür-hönkür ağlayan Şəfi bəy bilinməz mühacirət yolunu tutub…
- Mühacirətdə Şəfi bəyin başına nələr gəldi?
- Onun M.Ə. Rəsulzadə ilə ixtilafının arxasında nə dururdu?
- Şəfi bəy Vətəndən ayrı necə yaşadı, nə ilə məşğul oldu?
120 yaşın tamamında 27 yaşından Azərbaycandan uzaq yaşamağa məcbur olan bir vətən mücahidinin izinə düşün.
AzadlıqRadiosunun “İz” proqramının “Azərbaycan Cümhuriyyətinin ağlayan gözü” radiodastanını dinləyin.
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
