Üslükləri istehsal edən şirkətin rəhbəri tutuldu
"Qulluq mənafeyi tələb etdiyi halda səlahiyyətlərindən istifadə etməyən və istehsal etdiyi keyfiyyətsiz üzlüklərlə həmin binada fasadlama işləri aparmış “Global Construction” şirkətinin rəhbəri Miryusif Mahmudov iş üzrə şübhəli şəxs qismində tutulub. "
APA-nın xəbərinə görə, Baş prokurorluq , Daxili İşlər və Fövqəladə Hallar nazirliklərinin birgə məlumatında belə deyilir.
"Həyata keçirilən istintaq və əməliyyat-axtarış tədbirləri Azərbaycan Respublikası Prezidentinin nəzarətindədir."
Əli Həsənov: "Üzlük məsələsi araşdırılacaq. Pozuntuya yol verənlər ciddi cəzalanacaq"
Prezidentin köməkçisi Əli Həsənov deyib ki, Azərbaycan prezidenti İlham Əliyev Xətai və Binəqədi rayonlarında iki yaşayış binasında baş vermiş yanğının səbəblərinin bütün təfərrüatları ilə araşdırılması üçün xüsusi komissiyanın yaradılması barədə göstəriş verib. Həmçinin yanğına məruz qalmış üzlük materialların istehsalına uyğunluq serifikatının verilməsi, onlardan yaşayış binalarında üzlük kimi istifadə edilməsi, bu halda təhlükəsizlik normalarına riayət olunub-olunmaması məsələləri də araşdırılacaq, pozuntuya yol vermiş qurumlar və şəxslər ciddi şəkildə cəzalandırılacaq. Həmin materiallarla üzlənmiş binalarla bağlı müvafiq tədbirlər görüləcək.
Fasadın fəsadı
Binəqədi rayonunda baş verən və 15 nəfərin ölümünə, onlarla adamın xəsarət almasına səbəb olan yanğından sonra bir sıra sakinlər öz binalarının fasadına çəkilmiş plastik üzlükləri qoparmağa başlayıblar. Belə məlumatlardan biri 8-ci km qəsəbəsindən gəlib.
Bu gün yanğının səbəbindən danışan baş prokuror Zakir Qaralov dedi ki, yanğına ilkin səbəb keyfiyyətsiz üzlüklərdir.
Aprelin 10-da Bakıda Zığ şossesində də binada yanğın məhz binaya çəkilən üzlüklərdən oldu.
15 nəfər ölüb, xəstəxanaya 26 adam yerləşdirilib
15 nəfər ölüb, 26 nəfər isə yanıq xəsarəti və tüstüdən zəhərlənmə ilə müxtəlif tibb müəssisələrinə yerləşdirilib. Binanın 27 sakini təxliyə olunub, 37 nəfər xilas edilib. Baş Prokurorluğun, Fövqəladə Hallar və Daxili İşlər nazirliklərinin Bakıda yaşayış binasında baş verən yanğın hadisəsi ilə bağlı birgə məlumatında belə deyilir. Bakı şəhəri, Binəqədi rayonu Azadlıq prospekti 200/36 ünvanda yerləşən çoxmərtəbəli yaşayış binasında yanğın 3 saat davam edib. AzadlıqLive-da