Yanğın haqda bütün xəbərlər bir arada

Cinayət işi açılıb

Yanğından sonra Fövqəladə hallar və daxili işlər nazirlikləri və Baş prokurorluq birgə məlumat yayıblar.

Fakt üzrə Baş Prokurorluğun Ağır Cinayətlərə dair İşlər üzrə İstintaq İdarəsində cinayət işi açılıb. Cinayət məcəlləsinin 3 maddəsi əsas götürülüb. Ehtiyatsızlıqdan zərərçəkmiş şəxsin ölümünə və digər ağır nəticələrə səbəb olan yanğın təhlükəsizliyi qaydalarını pozma, vəzifə səlahiyyətlərindən sui-istifadə və ağır nəticələrə səbəb olan səhlənkarlıq maddələri ilə cinayət işi başlanıb.

Bakıda 16-mərtəbəli binada yanğın fotolarda

Mayın 19-da Bakıda 16 mərtəbəli yaşayış binasında baş verən yanğında azı 13 nəfər həlak olub, 60-dan çox yaralı var. Yaralıların bir çoxunun vəziyyəti ağırdır, ona görə həlak olanların sayının artacağından narahatlıq var. İlkin ehtimala görə yanğına səbəb binaların üstünə tezalışan maddələrdən hazırlanmış üzlüklərin vurulmasıdır.

16 ölü

Bakıda yaşayış binasında baş verən yanğında ölənlərin sayı 16 nəfərə yüksəlib.

Səhiyyə Nazirliyinin mətbuat xidmətinin rəhbəri Liya Bayramova apa-ya bildirib ki, hadisə nəticəsində 50 nəfər xəsarət alıb, onlardan 34-ü hospitallaşdırılıb. 7 nəfərə tibb müəssisəsində, 10 nəfərə yerində ambulator yardım göstərilib.

13 ölü

Mayın 19-da Binəqədi rayonunda yaşayış binasında baş vermiş yanğında ölənlərin sayı 13-ə çatıb.

Saat 15.00-a olan məlumata görə, 61 nəfər isə xəsarət alıb.

Məlumatı Səhiyyə Nazirliyi yayıb.