Şirvanda zavodda partlayışda 1 adam ölüb, 19 -u yaralanıb
İyulun 6-da Müdafiə Sənaye Nazirliyinin Şirvanda yerləşən “Telemexanika” zavodunda partlayış olub. Şirvan şəhər Təcili Tibbi Yardım Stansiyasından Trend-ə bidiriblər ki, qəza zamanı bir nəfər ölüb, 19 nəfər yaralanıb. Onlar zəhərlənmə və yüngül yanıq diaqnozları ilə xəstəxanaya yerləşdiriliblər. Vəziyyətləri yüngül və orta-ağır qiymətləndirilir. Xəstəxananın 5 həkim briqadası hadisə yerindədir."Telemexanika" zavodunda 245 nəfər çalışır. Bu zavod 2006-сi ildən Müdafiə Sənayesi Nazirliyinin tərkibinə daxil edilib.Zavod neft sənayesi ücün сihazlar və texnoloji tərtibatlar istehsal edir.
İki erməni əsgəri ölüb, ikisi yaralanıb
Separatçı Dağlıq Qarabağ rejiminin 2 əsgəri yol qəzasında ölüb.
Məlumata görə, iyulun 5-də Xankəndi-Laçın yolunun 28 kilometrliyində baş verən yol qəzasında 2 əsgər ölüb, 2-si isə xəsarət alıb.
Siyasi futbol
Yeni Musavat : "ötən həftəsonu Azərbaycan-Gürcüstan münasibətlərini növbəti dəfə sınağa çəkən hadisə ilk baxışda adi görünə bilər, ancaq az qalmışdı iki ölkə arasında siyasi qalmaqala çevrilsin."
«Söhbət iyulun 2-də Avropa Liqasının birinci təsnifat mərhələsi çərçivəsində Tiflisdə keçirilmiş «Dinamo» - «Qəbələ» oyununda yaşanan insidentdən gedir. Bəlli olduğu kimi, matç zamanı azərbaycanlı azarkeşlərə hücum olub, onlardan bir neçəsi döyülüb, dövlət bayrağımız ayaqaltı edilib, stadionda Azərbaycana qarşı ərazi iddialarının əks olunduğu plakat-xəritə («Zaqatala, Qax 1921 - unutmuruq!») qaldırılıb."
Ət kəsimi və satışına nəzarət gücləndirilir
“Havaların normadan artıq isti keçəcəyinin proqnozlaşdırıldığı iyul və avqust aylarında Bakıda ət kəsimi və satışının aparıldığı yerlərdə monitorinqlər aparılacaq, bu obyektlərdə baytarlıq nəzarəti gücləndiriləcək”.Bunu Trend-ə Bakı Şəhər Baytarlıq İdarəsinin rəisi Aslan Aslanov deyib.