Müğənni Azərbaycanın "qara siyahısına" düşdü
Azərbaycan Xarici İşlər Nazirliyi opera müğənnisi Kazarnovskayanı "qara siyahıya" salıb: "Rusiyanın opera müğənnisi Lyubov Kazarnovskaya "Azərbaycanın dövlət sərhədi haqqında" qanunu pozaraq, qeyri-qanuni şəkildə Azərbaycanın Ermənistan tərəfindən işğal olunmuş ərazilərinə səfər edib. Bu şəxsin adı arzuolunmaz şəxslər siyahısına daxil ediləcək".
Heydər Əliyev fondu təkzib edir
Heydər Əliyev Fondu Leyla Əliyevanın deputatlığa namizədliyini irəli sürəcəyi ilə bağlı məlumatları təkzib edib. “Qafqazinfo” xəbər verir ki, Heydər Əliyev Fondunun ictimaiyyətlə əlaqələr departamenti iyulun 6-da bəzi kütləvi informasiya vasitələrində Fondun vitse-prezidenti Leyla Əliyevanın millət vəkilliyinə namizədliyini irəli sürəcəyi ilə bağlı yayılan məlumatlara münasibət bildirib: “ hazırda Leyla Əliyevanın millət vəkilliyinə namizədliyini irəli sürməsi məsələsi həqiqətə uyğun deyil və bununla bağlı yayılan məlumatlar əsassızdır”.
YAP icra katibinin müavini Siyavuş Novruzov Modern.az saytına demişdi ki, YAP-da Leyla Əliyevanın namizəd olması ilə bağlı yekdil fikir var
Yaponiya robot duelinə "hə" dedi
Yaponiyanın Suidobashi şirkəti ABŞ-ın Megabots şirkətinin nəhəng robotların dueli təklifinə "hə" deyir və özünün 4 tonluq Kuratas robotunu rəqibin Mark2 robotuna qarşı çıxarır. Döyüş 1 ildən sonra olacaq. O vaxta kimi yaponlar Kuratası həm odlu, həm də soyuq silahdan istifadəyə öyrədəcəklər.
Kuratas robotu:
Mark 2 robotu:
Məktəbli forması bahalanacaq
“Bakı Tikiş Evi”nin orta məktəb şagirdləri üçün satdığı geyimlərin qiymətlərinin artlrılması nəzərdə tutulur. Bu barədə "Bakı Tikiş Evi"nin Satış şöbəsinin rəisi Etibar Əzimov Trend-ə məlumat verib. Bildirib ki, geyimlərin satış qiymətinin nə qədər bahalaşdırılacağı ilə bağlı qərar yaxın günlər ərzində açıqlanacaq”.BTE-dən bildirilib ki, qiymətlərin bahalaşdırılmasının əsas səbəbi materialların Türkiyədən dollarla alınması və dolların da məzənnəsinin yüksəlməsidir.