Rusiyalı aktyor Aleksei Batalov 89 yaşında dünyadan köçüb.
Rusiya mediasının yaydığı xəbərə görə, 5 aydır Moskva xəstəxanasında bud sümüyünün sınığı diaqnozu ilə yatan əfsanəvi aktyor iyunun 14-dən 15-nə keçən gecə yuxuda keçinib.
A.Batalov sovet kinosunun şedevrləri olan filmlərdə-«Moskva göz yaşlarına inanmır», «Durnalar uçur», «Bir ilin 9 günü», «Canlı meyit», «Xalis ingilissayağı qətl», «İt gəzdirən qadın» və başqa filmlərdə çəkilib.
A.Batalov rejissor kimi də özünü sınayıb və 3 filmə- «Şinel», «Üç gonbul» və «Qumarbaz» filmlərinə quruluş verib.
