Həcc ziyarəti üçün Məkkəyə milyon yarımdan çox müsəlman zəvvar toplaşıb. Bir neçə gündən sonra əsas həcc mərasimləri başlayacağından yenə gələnlərin olacağı istisna edilmir. Səudiyyə Ərəbistanının Səhiyyə Nazirliyi xəbər verir ki, zəvvarların sağlamlığına 10 minə yaxın həkim nəzarət edəcək, bundan ötrü Məkkədə və Mədinədə 20-dən çox müvəqqəti xəstəxana açılıb.
Mümkün terror aktlarının qarşısını almaq məqsədi ilə təhlükəsizlik tədbirləri gücləndirilib.
Bu il həcc ziyarətinə 4500-ə qədər azərbaycanlı zəvvar da qatılıb ki, bu da əvvəlki illərlə müqayisədə çoxdur.
