FİFA futbol yığmalarının ənənəvi reytinq cədvəlini açıqlayıb. Azərbaycan millisi ötən ayla müqayisədə altı pillə geriləyərək 139-cu mövqedə qərarlaşıb. Yığmanın Dünya Çempionatı - 2010-na çıxmaq uğrunda mübarizə apardığı qrup rəqiblərindən ən yaxşı nəticə yenə Almaniya komandasına məxsusdur – 3-cü yer. Avropa Çempionatının yarımfinalına qədər irəliləmiş Rusiya millisi isə 24-cü mövqedən 11-ci pilləyə yüksəlib.
Siyahıya Avropa çempionu İspaniya rəhbərlik edir. İkinci yerdə İtaliya qərarlaşıb. Braziliya 4-cü, Argentina 6-cı mövqedədir.
Türkiyə millisi 20-ci pillədən 14-cü mövqeyə yüksəlib.
