Beynəlxalq Kosmik Stansiyada otel açıla bilər.
Rusiyanın Kosmik Agentliyi - "Roskosmos" bildirib ki, hazırda bunun mümkünlüyü nəzərdən keçirir.
Bundan ötrü 20 tonluq modul yaratmaq planlaşdırılır.
Onun uzunluğu 15 metr olacaq. Turistin ixtiyarına 2 kub metrlik yataq kayutası veriləcək.
Kayutada diametri 23 santimetr olan illüminator olacaq.
Bundan başqa modulda trenajorlar, Wi-Fi və şəxsi gigiyena vasitələri də olacaq.
Modulda istirahət guşəsi də yaradılacaq. Oradakı illüminator daha böyük olacaq.
Turist üçün açıq fəzaya çıxmaq şəraiti yaradıla bilər - peşəkar kosmonavtın müşayiəti ilə.
Biletin 40 milyon dollar olacağı gözlənir.
Bu kosmik turizm layihəsinin reallaşdırılması üçün 450 milyon dollara qədər vəsait lazımdır.
Layihə 2021-ci ildən tez reallaşmayacaq.
Gözlənilir ki, o öz xərcini 7 ilə çıxaracaq.
Buna da bax: Ermənistan ordusu kosmik kəşfiyyat planını açıqlayıb
