Daxili İşlər Nazirliyinin məlumata görə son bir il üç ayda vətəndaşlardan pul almağa cəhd göstərdiklərinə görə 26 fakt üzrə 71 əməkdaş xidmətdən xaric edilib, 11 nəfər tutduğu vəzifədən azad olunub. Rəsmi məlumatda o da qeyd edilir ki, həmin ittihamla 22 polis əməkdaşı cəzalandırlıb, 8 nəfər haqqında sənədlər isə hüquqi qiymət verilməsi üçün prokurorluq orqanlarına göndərilib.
Bunlara da nəzər salın
İyunun 1-də Daxili İşlər Nazirliyində keçirilən kollegiya iclasında nazir Ramil Usubov deyib ki, son 3 ildə keçirilmiş əməliyyat-axtarış tədbirləri ilə mülkiyyət əleyhinə 1000-dən çox cinayət törətmiş 497 cinayətkar qrup və dəstə zərərsizləşdirilib.
Nazirlikdən AzadlıqRadiosuna verilən məlumata görə, kollegiya iclasında o da bildirilib ki, son 1 il 3 ayda qrup halında 1300-dən çox mülkiyyət əleyhinə cinayət törətmiş 1000-dən çox şəxs müəyyən olunub, ö cümlədən, axtarışda olan 763 nəfər tutulub.