-
Azərbaycan Dillər Universiteti Hesablama Palatasının ali məktəbdəki yoxlamaları ilə bağlı açıqlama yayıb.
Məlumatda deyilir ki, ali məktəbdə yoxlama aparmaq təşəbbüsü universitetə aid olub. Bu məqsədlə 2012-ci ilin mayında universitet Hesablama Palatasına məktubla müraciət edib.
ADU-nun ictimaiyyətlə əlaqələr və mətbuat xidmətinin adından yayılan məlumatda belə deyilir.
Məlumatda həmçinin bildirilir:
«Hesablama Palatasının göndərdiyi təftiş qrupu ADU-ya ayrılmış büdcə vəsaitlərinin proqnozlaşdırılması və istifadə olunması üzrə mövcud vəziyyəti araşdırıb, universitetin maliyyə işlərində nöqsanlar, çatışmazlıqlar, mənimsəmə və pozuntu hallarının olduğunu müəyyən edib. Təftişin nəticələri haqqında hesabat ADU-nun rektoruna təqdim olunub».
Məlumatda o da deyilir ki, rektor hesabatla tanış olduqdan sonra daha ciddi araşdırmaların aparılmasını məqsədəuyğun sayıb. Bu məqsədlə materiallar Respublika Prokurorluğuna göndərilib.
ADU-nun məlumatı bu sözlərlə bitir:
«Biz inanırıq ki, yol verilmiş nöqsan və pozuntulara görə cavabdeh şəxslər aşkarlanacaq, bununla bağlı lazımi tədbirlər görüləcək və məsələlərə aydınlıq gətiriləcək».
Sentyabrın 18-də Hesablama Palatasının kollegiya iclasında ADU-ya dövlət büdcəsindən ayrılmış vəsaitin istifadə olunması üzrə auditin nəticələri müzakirə edilib. Müzakirələrdə universitetin məsul şəxslərinin vəzifə səlahiyyətlərindən sui-istifadə hallarına, ciddi maliyyə pozuntularına, saxtakarlıq və mənimsəmə hallarına yol verdikləri deyilib.
Kollegiya qərara alıb ki, yoxlamaya dair materiallar Baş Prokurorluğa göndərilsin və bu barədə Milli Məclisə məlumat verilsin.
Azərbaycan Dillər Universiteti Hesablama Palatasının ali məktəbdəki yoxlamaları ilə bağlı açıqlama yayıb.
Məlumatda deyilir ki, ali məktəbdə yoxlama aparmaq təşəbbüsü universitetə aid olub. Bu məqsədlə 2012-ci ilin mayında universitet Hesablama Palatasına məktubla müraciət edib.
ADU-nun ictimaiyyətlə əlaqələr və mətbuat xidmətinin adından yayılan məlumatda belə deyilir.
Məlumatda həmçinin bildirilir:
«Hesablama Palatasının göndərdiyi təftiş qrupu ADU-ya ayrılmış büdcə vəsaitlərinin proqnozlaşdırılması və istifadə olunması üzrə mövcud vəziyyəti araşdırıb, universitetin maliyyə işlərində nöqsanlar, çatışmazlıqlar, mənimsəmə və pozuntu hallarının olduğunu müəyyən edib. Təftişin nəticələri haqqında hesabat ADU-nun rektoruna təqdim olunub».
Məlumatda o da deyilir ki, rektor hesabatla tanış olduqdan sonra daha ciddi araşdırmaların aparılmasını məqsədəuyğun sayıb. Bu məqsədlə materiallar Respublika Prokurorluğuna göndərilib.
ADU-nun məlumatı bu sözlərlə bitir:
«Biz inanırıq ki, yol verilmiş nöqsan və pozuntulara görə cavabdeh şəxslər aşkarlanacaq, bununla bağlı lazımi tədbirlər görüləcək və məsələlərə aydınlıq gətiriləcək».
Sentyabrın 18-də Hesablama Palatasının kollegiya iclasında ADU-ya dövlət büdcəsindən ayrılmış vəsaitin istifadə olunması üzrə auditin nəticələri müzakirə edilib. Müzakirələrdə universitetin məsul şəxslərinin vəzifə səlahiyyətlərindən sui-istifadə hallarına, ciddi maliyyə pozuntularına, saxtakarlıq və mənimsəmə hallarına yol verdikləri deyilib.
Kollegiya qərara alıb ki, yoxlamaya dair materiallar Baş Prokurorluğa göndərilsin və bu barədə Milli Məclisə məlumat verilsin.