Gülər Əhmədova: «Ürək ağrılarından əziyyət çəkirəm»

-
Keçmiş millət vəkili Gülər Əhmədovanın səhhətində yenidən problemlər yarandığını deyir.

Bu barədə APA-ya açıqlama verən G. Əhmədova bildirib ki, hazırda evdə müayinə altındadır: «Ürək ağrılarından əziyyət çəkirəm. Eyni zamanda beyindaxili qan dövranında da problemlər var».

G. Əhmədova istintaqın gedişatı ilə bağlı hələlik hər-hansı bir yeniliyin olmadığını bildirib: «İstintaq gedir və hələlik heç bir yenilik yoxdur».

Keçmiş deputat bir müddət əvvəl dünyasını dəyişən Sevinc Babayevanın oğlunun onun barəsində səsləndirdiyi ittihamlara da cavab verib: «Mən onunla polemikaya girmək istəmirəm. Çünki nə mənim səviyyəm, nədə ki mənim yaşım buna yol vermir. Onunla vəkilim məşğul olur».

G. Əhmədova vəkil tutduğunu bildirsə də, onun adını açıqlamayıb: «Vəkilimin mətbuatda adının hallanmasını istəmirəm».