AB-nin xarici əlaqələr və genişlənmə üzrə komissarı Benita Ferrero Valdner isə deyir ki, Fəaliyyət Planı tərəflərə müxtəlif sahələrdə, o cümlədən, demokratiya, məhkəmə və başqa sahələrdə əməkdaşlığa imkan yaradacaq: «Avropa Birliyi öz təcrübəsini Azərbaycanla bölüşmək istəyir».
AB-nin komissarı noyabrda həmçinin Avropa Birliyi ilə Azərbaycan hökuməti arasında enerji məsələləri ilə bağlı anlaşma memorandumunun imzalanacağını da deyir: «Avropa Birliyinin layihələrində və proqramlarında iştirakdan başqa, enerji məsələlərində marağımız var. Biz memorandumla bağlı bütün məsələləri razılaşdırmağa çalışırıq ki, prezident və Xarici İşlər naziri Brüsselə gələndə sənəd imzalansın. Bu Fəaliyyət Planından ayrı sənəddir. Amma Fəaliyyət Planı belə bir sənədin imzalanmasına da şərait yaradır».
Avropa Birliyi Qonşuluq Siyasəti çərçivəsində Fəaliyyət Planı ilə bağlı Azərbaycanla bağlı danışıqlar 2005-ci ildə başlamışdı