Şahin Diniyevin postunda qalıb-qalmayacağı ilin sonuna qədər müəyyənləşəcək

Şahin Diniyevin Azərbaycan futbol yığmasının baş məşqçisi postunda qalıb-qalmayacağı ilin sonuna qədər müəyyənləşəcək. Bu haqda açıqlama verən AFFA-nın baş katibi Fuad Əsədovun dediyinə görə, məşqçinin taleyinə dair qərarı qurumun İcraiyyə Komitəsi və bilavasitə prezident Ramiz Mirzəyev verəcək. Azərbaycan yığması AÇ-2008-in seçmə mərhələsi çərçivəsində keçirdiyi ilk dörd oyunda cəmi bir xal toplayıb.