-
İyunun 11-sə Avropa Oyunlarının «Atletlər kəndi»ndə üç avstriyalı idmançını vuran avtobusun sürücüsü Vəli Əhmədov barəsində həbs-qətimkan tədbiri seçilib.
Daxili İşlər Nazirliyinin məlumatında deyilir ki, piyadaları vuran avtobus «Bakubus» Məhdud Məsuliyyətli Cəmiyyətə məxsusdur.
Fakt üzrə Azərbaycan Cinayət Məcəlləsinin 263.1-1-ci maddəsi (yol hərəkəti və nəqliyyat vasitələrinin istismarı qaydalarını pozma) ilə cinayət işi başlanıb.
Həmçinin yüksək ixtisaslı sürücülərin işə götürülməsində üzərinə düşən vəzifələri layiqincə yerinə yetirməyən «Bakubus» MMC-nin vəzifəli şəxslərinin hüquqi məsuliyyət məsələsinə də baxılır.