Bir qrup gənc noyabrın 10-da İranın Azərbaycandakı səfirliyi qarşısında etiraz aksiyası keçirib.
"Report"un məlumatına görə,aksiyanı Milliyyətçi Gənclər Təşkilatı təşkil edib.
Mitinq iştirakçıları İranda yaşayan azərbaycanlıların təhqir olunmasına etiraz ediblər.
Aksiyanın qətnaməsi İran səfirliyinə təqdim olunub.
Polisin müdaxiləsindən sonra etirazçılar səfirliyin qarşısından kənarlaşdırılıblar.
Qeyd edək ki, bu günlərdə İranın IRIB-2 televiziya kanalındakı komediya verilişində azərbaycanlıların ələ salınması İranın bir neçə şəhərində də etiraz aksiyalarına səbəb olub.