-
Bu il Ukraynada H1N1 donuz qripi virusundan 50-dən çox ölən olub. Bu, ötən ildəkindən 10 faiz çoxdur.
Ukrayna Səhiyyə naziri Alexander Kvitashvili adamları panikaya düşməməyə çağırıb, deyib ki, “Epidemiyanın başlayacağını gözləmirdim, ancaq hər ilin yanvarında qripə yoluxma halları çoxalır”.
Nazir yanvarın 13-də hökumətin iclasında söyləyib ki, adamlardan çoxu vaxtında müalicə almadığı üçün dünyasını dəyişib,. Onun sözlərinə görə, yüksək hərarəti olanlar dərhal həkimə getməlidirlər, çünki bəzən müalicə 48 saatdan sonra səmərəli olmur.
Kiyev, Xarkov, Vinnitsia və Odessada xəstəliyin daha çox yayıldığı bildirilir.