«Azərbaycan bu böhrandan, demək olar ki, yan keçdi».
Milli Məclis sədrinin birinci müavini Ziyafət Əsgərov yanvarın 27-si Bakıda «İqtisadiyyatda təhlükəsizlik: ticarətin asanlaşdırılması və mühafizəsi aspektləri» mövzusunda keçirilən konfransda belə deyib.
«Trend»in xəbərinə görə, vitse-spiker dünyada iqtisadi-ticari böhranın, hələ də, davam etdiyini bildirib.
«Azərbaycan bu böhrandan, demək olar ki, yan keçdi. Amma müəyyən nəticələri bizə də toxundu. Buna baxmayaraq, 2016-cı ili çox yüksək göstəricilərlə başa vurduq. Əminəm ki, 2017-2018-ci illərdə də Azərbaycan iqtisadiyyatı irəliləyən templərlə inkişaf edəcək», - Z.Əsgərov bildirib.