Rusiyanın müdafiə naziri iyunun 21-də bildirib ki, ölkənin qərb sərhədləri boyunca təhlükəsizlik durumu pisləşib və Rusiya orada qüvvələrini artıracaq.
Sergei Shoigu Kalininqrada səfəri çərçivəsində danışıb. O, NATO-nun Baltik ölkələrində təlimlər keçməsini alyansın həmin ərazidə güclənməsinin göstəricisi adlandırıb. Shoigu deyib ki, genişmiqyaslı təlimlər NATO-nun «anti-Rusiya kursu»nu sərgiləyir.
Müdafiə nazirinin sözlərinə görə, ordu ilin sonunadək qərb sərhədi boyunca 20 yeni hərbi hissə yaradacaq.
Bu ilin sonuna Rusiyayla Belarus «Qərb-2017» adlı hərbi oyunlar keçirəcəklər.
Rusiya dövlət televiziyası Shoigu-nun təyyarəsi Kalininqrada yaxınlaşarkən onu izləyən NATO-nun F-16 qırıcısını göstərib. Rusiyanın Su-27 təyyarəsi nazirin təyyarəsiylə NATO qırıcısının arasına girərək onu uzaqlaşdırıb.