Azərbaycanlı deputatlar Avropa Şurası Parlament Assambleyasının (AŞPA) yay sessiyasında iştirak etmək məqsədi ilə iyunun 25-dən iyulun 2-nə kimi Strasburqda səfərdə olacaqlar.
Bu haqda parlamentin məlumatında bildirilir.
Buna da bax: Həmməruzəçilər: ‘Bakı öz öhdəliklərini yerinə yetirməlidir’
Nümayəndə heyətinə AŞPA-dakı Azərbaycan nümayəndə heyətinin rəhbəri Səməd Seyidov, parlamentin mədəniyyət komitəsinin sədri Rafael Hüseynov, deputatlardan Sahibə Qafarova, Sabir Hacıyev, Qənirə Paşayeva və Müslüm Məmmədov daxildirlər.
Sessiya dövründə Daimi Komitə və Büronun fəaliyyətinə dair hesabat dinləniləcək.
Buna da bax: İntiqam Əliyev: 'İndi hökumət iki yoldan birini seçməlidir' [video]
Parlament Assambleyasının təməl prinsiplərinin gücləndirilməsi, parlamentlərin korrupsiyaya ilə mübarizədə rolu, idarəetmə sistemində korrupsiya, Belorusda vəziyyət və sair məsələlərin sessiyanın gündəliyində olacağı bildirilir.
Milli Məclisin Mədəniyyət komitəsinin sədri Rafael Hüseynov isə AŞPA-da “İdarəetmə sistemində korrupsiya” mövzusunda məruzə ilə çıxış edəcək.