Yanvarın 18-də Azərbaycan prezidenti İlham Əliyev Rusiya Federasiyanın Prezidenti Vladimir Putinə telefonla zəng edib.
Bu barədə Azərbaycan Prezidentinin Mətbuat Xidməti məlumat yayıb.
Məlumata görə, telefon söhbəti zamanı Azərbaycan-Rusiya əlaqələrinin uğurla inkişaf etdiyi qeyd olunub, strateji tərəfdaşlıq əlaqələrinin perspektivləri müzakirə edilib:
"Dövlət başçıları son vaxtlar Rusiya-ABŞ arasında təmaslar, Qazaxıstanda vəziyyətin sabitləşməsi ilə bağlı məmnunluq ifadə ediblər, Ukrayna ətrafında gedən proseslər müzakirə olunub. Azərbaycan və Rusiya prezidentləri regional təhlükəsizlik məsələləri ilə bağlı fikir mübadiləsi aparıblar."
Buna da bax: Azərbaycan-Ukrayna sənədləri imzalanıb -prezidentlərin dedikləri...
Xatırlatma
Bu il yanvarın 3-də Qazaxıstanda maye qazın qiymətinin iki dəfə artırılması kütləvi etirazlara səbəb oldu. Ölkədə toqquşmalar müşahidə edildi.
Rəhbərliyin dəvəti ilə Qazaxıstana Kollektiv Təhlükəsizlik Müqaviləsi Təşkilatının (KTMT) başda Rusiya olmaqla silahli birlikləri yeridildi.
Bu hadisələrdə 250 civarında şəxsin həlak olduğu, minlərlə şəxsin xəsarət aldığı açıqlanıb. KTMT-ya Rusiyadan başqa Qazaxıstan, Belarus, Ermənistan və Qırğızıstan daxildir.
2014-cü ildə Rusiyanın Ukrayna ərazisinin bir hissəsi ilhaq etdiyi bildirilir.Bu da Rusiyaya qarşı sanksyaların tədbiqinə səbəb olub.