Bakıda və bölgələrdəki məktəbdənkənar təhsil müəssisələrində aparılan yoxlamalar nəticəsində 26 direktora xəbərdarlıq, 12 direktora töhmət, 16 direktora sonuncu xəbərdarlıqla şiddətli töhmət verilib.
Beş müəssisə rəhbəri isə işdən azad edilib.
Xəbəri iyulun 5-də Məktəbəqədər və Ümumi Təhsil üzrə Dövlət Agentliyi yayıb.
Agentlik bildirir ki, monitorinqlər davam edəcək.
"Məktəbdənkənar təhsil müəssisələri" dedikdə uşaq-gənclər inkişaf mərkəzləri, idman və şahmat məktəbləri nəzərdə tutulur.
Sosial şəbəkələrdə tez-tez həm Bakıda, həm də bölgələrdə bağça və məktəb direktorlarının qanunsuz pul tələb etməklə bağlı səsləri yayılır. Bu cür səs yazılarından sonra adətən həmin müəssisə rəhbərləri haqqında araşdırmalara başlanılır.