İranın mərkəzindəki İsfahan şəhərində su qıtlığına etiraz edənlərə polisin divantutması nəticəsində azı 214 nəfər həbs olunub, 13-ü azyaşlılardır. Məlumatı ABŞ-da yerləşən xəbər təşkilatı yayıb.
İnsan Haqları Fəallarının Xəbər Agentliyi (HRANA) polisin qırma tüfəngindən açdığı atəşdən 30 nəfərin gözündən yaralandığını bildirir.
Tehrandan 400 km cənubda yerləşən İsfahandan keçən Zayandehrud çayının qurumasına səbəb kimi quraqlıq və su mənbələrinin başqa səmtə yönləndirilməsi göstərilir.
Buna da bax: İsfahanda etirazçıların çadırları dağıdılıbBu ay çayın qurumuş yatağında fermerlər daxil olmaqla minlərlə insan nümayişə çıxıb.
Noyabrın 26-da isə yürüş qarşıdurmaya keçib, təhlükəsizlik əməkdaşları onları daşa tutan nümayişçilərin üstünə qaz buraxıb. Hakimiyyət 67 “qiyamçı”nın həbs olunduğunu bildirib.
ABŞ Dövlət Departamentinin sözçüsü Ned Prays Vaşinqtonun “dinc etirazçılara zorakılıqla divan tutulmasından dərin narahatlıq” bildirib.
“İran xalqının öz məyusluğunu ifadə etmək və hökumətdən hesabat tələb etmək haqqı var”, – Prays noyabrın 27-də tvitində yazıb.
Deeply concerned about the violent crackdown against peaceful protestors in Isfahan. The people of Iran have a right to voice their frustrations and hold their government accountable.
— Ned Price (@StateDeptSpox) November 27, 2021
İranın Ali dini lideri Ayətulla Əli Xameneyi isə su böhranının hökumət üçün prioritet olduğunu deyib.