“Xarici ölkə mənşəli narkotik vasitələrin təxminən 95 faizindən çoxu İran ərazisindən qaçaqmalçılıq və digər qanunsuz yollarla Azərbaycana gətirilib”
Bu fikir, bugün, noyabrın 25-də Azərbaycan baş nazirinin müavini, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının sədri Əli Əhmədovun iştirakı ilə Nazirlər Kabinetində keçirilmiş görüşdə səslənib.
Buna da bax: Qətər tribunalarında İran azarkeşləri arasında ikitirəlik yaşandıBu barədə Komissiyanın saytı məlumat yayıb.
Məlumata görə, görüşdə Dövlət Komissiyasının sədri Əli Əhmədov çıxış edib.
Çıxışda bu ilin on ayı ərzində narkotik vasitələrin, psixotrop maddələrin və onların prekursorlarının qanunsuz dövriyyəsinə qarşı mübarizədə hüquq-mühafizə orqanlarının gördüyü işlərdən bəhs edilib.
Sizin brauzer HTML5-i dəstəkləmir
İranda etiraz və toqquşmalar davam edir, yeni itkilər var
Vurğulanıb ki, həyata keçirilmiş kompleks əməliyyat-axtarış tədbirləri nəticəsində ümumilikdə 9564 cinayət faktı aşkarlanıb, qanunsuz dövriyyədən 5 ton 62 kiloqramdan artıq narkotik vasitə və psixotrop maddə müsadirə edilib:
“Qeyd olunan xarici ölkə mənşəli narkotik vasitələrin təxminən 95 faizindən çoxu İran İslam Respublikasının ərazisindən qaçaqmalçılıq və digər qanunsuz yollarla Azərbaycana gətirilib. Bəlli olduğu kimi bu, ilk növbədə Şərqdən Qərbə tranzit baxımından respublikanın əlverişli coğrafi mövqedə yerləşməsi ilə şərtlənir.”
Hələlik, bu fikirlərə İranın hüquq-mühafizə orqanları və bu ölkənin Azərbaycandakı Səfirliyinin münasibəti bəlli deyil.