İsveçrədə ANYbotics şirkətinin düzəltdiyi dördayaqlı robot kənardan kimsə onu idarə etmədən atacağı addımlar haqda özü qərar verir.
O, ətrafını analiz edib buna uyğun hərəkət edir. O, ətraf aləm haqda siqnal alan system və termal kameralarla təchiz olunub.
'ANYmal' adlanan bu robotun çəkisi 30 kiloqramdan azdır. 10 kiloyacan yük daşıya bilir. Batareyası ona 2 saatacan hərəkət etməyə imkan verir.
O qaça, pilləkanları qalxa, qəfil qarşısına çıxan maneələri aşmağı bacarır. Hətta liftdən də istifafə edə bilir.
Mütəxəssislər ümid edirlər ki, ondan təhlükəli sənaye obyektlərində sızmalar haqda məlumat toplamaq üçün istifadə edilə bilər.