Günə 33 mindən çox yoluxma

Avqustun 17-də Rusiyada COVID-19-da 33 mindən çox yoluxma qeydə alınıb. Bu, son beş ayda ən yüksək göstəricidir.

Son yeddi həftədə yoluxma sayı artdığından rəsmilər maska taxmaq, daha bir peyvənd dozası vurdurmaqla bağlı tövsiyələr səsləndirirlər.

Avqustun 17-də xəstəxanaya 3 min 100-dən çox yeni xəstə yerləşdirilib.

Rusiya rəsmi statistikasına görə, koronavirus pandemiyası 2020-ci ildə dünyada sürətlə yayılmağa başlayandan COVID-dən 383 min vətəndaş vəfat edib.

Müstəqil demoqrafiya ekspertləri real ölü sayının rəsmi rəqəmdən dörd dəfə böyük olduğunu deyirlər.