Atəşgahdan Avropa Oyunları məşəli yandırılan gün Suraxanı sakinləri üçün "çox yaddaqalan" olub
Avropa Oyunları ilə bağlı Atəşgahdan götürülən od indi məşəl kimi ölkənin bütün bölgələrini gəzir.
Aprelin 26-da Atəşgahdan odun götürülməsi mərasimi isə Suraxanı sakinləri üçün çox “yaddaqalan” olub. Məşəl mərasimi ilə bağlı həmin gün məbədin yaxınlığında yaşayan adamlara evlərindən çıxmağa imkan verilməyibmiş. Sakinlər deyir ki, səhər saat 8-dən axşam 12-yə qədər hər həyətdə iki polis olub:
“Həmin gün işdən gəlirdim, çoxlu polislər vardı. Məni evimə getməyə qoymurdular. Dedim “ay oğul, prezidentə Atəşgah da qurban, siz də qurban. Evimə getməyə imkan vermirsənsə, onda evimi gətir bura”. Dedi “xala, nə qəliz danışırsız?” Dedim “prezident hələ iki saatdan sonra gələcək, məni evimə qoymursuz. Bəs mən burda oturub qalım?” Nə isə, çox danışdılar, sonra məni evimə buraxdılar”.
“Polislər həmin gün səhər saat 8-dən gəldilər, axşam saat 12-yə qədər bizi evdən bayıra çıxmağa qoymadılar. Hər həyətə iki polis qoymuşdular. Burdan ora qədər yekə, xarici maşınlar vardı. Məşəli götürüb gedənə qədər həyətdən bayıra addım atmadıq”. AzadlıqLive-da
102 yaşında elmlər doktoru adını aldı
İngeborg Rapoport 102 yaşında elmlər doktoru adını alıb. O, doktorluq disserttasiyasını 77 il əvvəl - 25 yaşı olanda Hamburq Universitetinə təqdim edib. Wall Street Journal qəzeti yazır ki, onun dissertasiya mövzusu çox aktual idi - mövzu difteriya və infeksion xəstəliklər olub. O vaxtlar ABŞ-da və Avropada bu xəstəliklərdən çoxlu uşaq ölürdü. Ancaq Almaniyada artıq 5 il idi ki, nasistlər hakimiyyətə gəlmişdi. Rapoport protestant olsa da, onun anası yəhudi idi və bununla da onun doktorluq dissertasiyasını müdafiə etməsi müşkülə çevrildi.
Hüquqşünas Müzəffər Baxış Konstitusiya Məhkəməsinin qərarını absurd adlandırır
Müzəffər Baxış: "Konstitutsiya məhkəməsi bir dəfə də sərbərt toplaşma azadlığı ilə bağlı absurd qərar vermişdi. Kreditlərlə bağlı verdiyi qərar da bir daha onu göstərir ki, Azərbaycan məhkəmə sistemi siyasi təzyiq altındadır". Hüquqşünas Müzəffər Baxış bildirir ki, Konstitutsiya Məhkəməsinin belə bir qərar verəcəyi gözlənilən idi. "Heç bir hüquqi əsası olmadan verilən bir qərardır." Ətraflı AzadlıqLive-də
Azərbaycanlı gəncin "qızları öpməyin asan yolu" videolayihəsi
Moskvada azərbaycanlı gəncin videolayihəsi sosial şəbəkədə bomba kimi partlayıb və indiyə kimi müzakirə olunur. Nizam Qəribovun layihəsi "qızları öpməyin asan yolu" adlanır. O, qızlara təklif edir ki, 10 saniyəliyə gözlərini yumsunlar, onlar gözlərini yuman kimi qızları öpməyə başlayır, yanındakı dostu da bunu videoya çəkir. AzadlıqLive-da