Heydər Əliyev fondu təkzib edir
Heydər Əliyev Fondu Leyla Əliyevanın deputatlığa namizədliyini irəli sürəcəyi ilə bağlı məlumatları təkzib edib. “Qafqazinfo” xəbər verir ki, Heydər Əliyev Fondunun ictimaiyyətlə əlaqələr departamenti iyulun 6-da bəzi kütləvi informasiya vasitələrində Fondun vitse-prezidenti Leyla Əliyevanın millət vəkilliyinə namizədliyini irəli sürəcəyi ilə bağlı yayılan məlumatlara münasibət bildirib: “ hazırda Leyla Əliyevanın millət vəkilliyinə namizədliyini irəli sürməsi məsələsi həqiqətə uyğun deyil və bununla bağlı yayılan məlumatlar əsassızdır”.
YAP icra katibinin müavini Siyavuş Novruzov Modern.az saytına demişdi ki, YAP-da Leyla Əliyevanın namizəd olması ilə bağlı yekdil fikir var
Müğənni Azərbaycanın "qara siyahısına" düşdü
Azərbaycan Xarici İşlər Nazirliyi opera müğənnisi Kazarnovskayanı "qara siyahıya" salıb: "Rusiyanın opera müğənnisi Lyubov Kazarnovskaya "Azərbaycanın dövlət sərhədi haqqında" qanunu pozaraq, qeyri-qanuni şəkildə Azərbaycanın Ermənistan tərəfindən işğal olunmuş ərazilərinə səfər edib. Bu şəxsin adı arzuolunmaz şəxslər siyahısına daxil ediləcək".
Həbsdə olan hakim prezidentə açıq məktub yazır
"MeydanTV" Bakı Ağır Cinayətlər Məhkəməsinin sabiq hakimi, hazırda həbsdə olan Həsən Əliyevin ölkə başçısı İlham Əliyevə açıq məktubunu yayıb. Keçmiş hakim deyir ki, onu yüksək vəzifəli bir məmurun göstərişi ilə həbsə atıblar
Moskvada azərbaycanlı "Stalin" "Lenini" döyüb
Moskvada Leninin oxşarı ilə Stalinin oxşarı arasında dava düşüb. "Stalin" "Lenini" döyüb. Media məlumatlarına görə, Stalinin oxşarı Lətif Vəliyev azərbaycanlıdır.